٤٠٦٠٧۔۔۔ ابن جریج سے روایت ہے فرمایا : میں نے عطاء سے کہا : آپ کی کیا رائے ہے کہ خاوند اگر بچہ کی پیدائش کے بعداس کا انکار کرے ؟ آپ نے فرمایا : وہ عورت سے لعان کرے اور بچہ عورت کا ہوگا میں نے کہا : کیا نبی (صلی اللہ علیہ وآلہ وسلم) نے نہیں فرمایا : بچہ بستر (والے خاوند) کا اور زائی کے لیے پتھر ہے ؟ انھوں نے فرمایا : ہاں یہ اس لیے کہ ابتداء اسلام میں لوگ ان بچوں کا دعوی کرتے تھے جو لوگوں کے بستروں پر پیدا ہوتے کہتے یہ بچے ہمارے ہیں تو نبی (صلی اللہ علیہ وآلہ وسلم) نے فرمایا : بچہ بستر کا اور زانی کے لیے پتھ رہے۔ رواہ عبدالرزاق جو بچے آقا کی لونڈیاں جنم دیتیں انھیں اولاد الامہ اور لونڈی کو ام المولد کہا جاتا۔