٤٠٦٧١۔۔۔ عمروبن قرۃ ایک شخص تھا جو گانے بجانے کا کام کرتا تھا وہ آکر نبی (صلی اللہ علیہ وآلہ وسلم) سے کہنے لگا : یارسول اللہ آپ نے میرے متعلق بڑا سخت حکم نامہ جاری کیا ہے میں تو اپنے ہاتھ سے اپنی ڈفلی بجاکررزق کماتاہوں تو کیا آپ مجھے بےحیائی کے بغیر گانے کی اجازت دے دیں گے ؟ تو آپ نے ارشاد فرمایا : نہیں تجھے اجازت نہیں دیتا۔ اس کام میں نہ کوئی عزت ہے اور نہ آنکھ کی کوئی نعمت ہے اللہ کے دشمن ! تم نے جھوٹ بولا اللہ تعالیٰ نے تمہیں حلال پاکیزہ رزق عطاء کیا جس کے مقابلہ میں تم نے اللہ تعالیٰ کے حرام کردہ رزق سے پسند کیا جب کہ اللہ تعالیٰ نے اس کی جگہ اپنے حلال رزق کو لکھا ہے اگر میں تمہارے پاس پہلے آجاتا تو میں تمہاری وہ حالت کرتا کہ تم یادرکھتے میرے پاس سے اٹھ جاؤ اللہ کے حضور توبہ کرو، (یہ دیلمی کی روایت ہے، جس میں ان الفاظ کا اضافہ ہے اپنے اور اپنے اہل و عیال کے لیے حلال سے وسعت پیداکر، کیونکہ یہ اللہ تعالیٰ کی راہ میں جہاد کی طرح ہے اور یہ جان رکھو ! کہ اللہ تعالیٰ کی مددنیک تاجروں کے ساتھ ہے) اب جب کہ تم آچکے تو آنے کے بعد تم نے پھر کوئی ایسا کام کیا تو میں تمہاری دردناک پٹائی کروں گا، بطور مثلہ تمہارا سرمنڈواؤں گا، اور تمہیں تمہارے گھروالوں سے جداکردوں گا اور تمہارا سامان مدینہ کے نوجوانوں کے لیے حلال کردوں گا۔ یہ گویئے نافرمان لوگ ہیں ان میں سے جو بھی بغیر توبہ کے مراتو اللہ تعالیٰ قیامت کے روزا سے اسی طرح اٹھائے گا جیسا وہ دنیا میں ننگا ہجڑاتھاکپڑے کے پلو کے ذریعہ بھی اپنے آپ کو نہیں چھپاتا تھا وہ جب بھی اٹھے گا اسے مرگی پڑجائے گی۔