٤٠٧٠١۔۔۔ مجاہد سے روایت ہے نبی (صلی اللہ علیہ وآلہ وسلم) کچھ لوگوں سے ملے جن میں ایک حدی خواں تھا جب انھوں نے نبی (صلی اللہ علیہ وآلہ وسلم) کو دیکھا تو ان کا حدی خواں چپ ہوگیا وہ کہنے لگے : یارسول اللہ : ہم عربوں میں سب سے پہلے حدی خواں ہیں آپ نے فرمایا : یہ کیسے ؟ (ان میں سے ایک شخص نے) کہا : ہمارا ایک شخص تھا۔ انھوں نے اس کا نام بھی لیا۔ وہ بہار کے موسم میں اپنے اونٹ کی تلاش میں تنہا ہوگیا پھر اس نے ایک لڑکا اونٹ کے ساتھ بھیجا، غلام دیر سے آیا تو وہ اسے لاٹھی سے مارنے لگا، غلام راستے پر جاتے ہوئے کہنے لگا : ہائے میرا ہاتھ جس سے اونٹ متحرک اور چست ہوگیا یوں لوگوں میں حدی کی بنیاد پڑگئی۔ ابن ابی شیبۃ