4085: (سورة تکاثر) (مسند عمر (رض)) المتفق و المفتر کتاب میں خطیب بغدادی (رح) فرماتے ہیں : ہمیں اسماعیل بن رجاء نے کہا کہ ابو الحسن علی بن الحسن بن اسحاق بن ابراہیم بن المبارک الفرغانی، ابو العباس، احمد بن عیسیٰ المقری، ابو جعفر محمد بن جعفر الانصاری، یحییٰ بن بکیر المخزوجی، مالک بن انس، حبیب بن عبدالرحمن بن حفص بن عاصم کی سند سے حضرت عمر بن خطاب (رض) کی روایت ہے کہ رسول اکرم (صلی اللہ علیہ وآلہ وسلم) نے ارشاد فرمایا :
جس نے ایک رات میں ایک ہزار آیات پڑھیں وہ اللہ سے ہنستے ہوئے چہرے کے ساتھ ملاقات کرے گا۔ کسی نے عرض کیا : یا رسول اللہ ! ہم میں سے کون ہے جو ہزار آیات ایک رات میں پڑھ سکے۔ حضور (صلی اللہ علیہ وآلہ وسلم) نے اس کے جواب میں بسم اللہ پڑھ کر پوری سورة الہاکم التکاثر پڑھی، پھر فرمایا : قسم ہے اس ذات کی جس کے ہاتھ میں میری جان ہے۔ یہ (چھوٹی سی) سورت ایک ہزار آیات کے برابر ہے۔ (الخطیب فی المتفق والمتفرق)
کلام : مولف (رح) فرماتے ہیں اس روایت کو یحییٰ بن بکیر سے روایت کرنے والا راوی مجہول ہے۔ اور حدیث غیر ثابت ہے۔