4133: (مسند عبداللہ بن عمرو (رض) عبداللہ بن عمرو سے مروی ہے کہ رسول اکرم (صلی اللہ علیہ وآلہ وسلم) نے (مجھے) فرمایا : ایک مہینے میں ایک قرآن پڑھ لیا کر۔ میں نے عرض کیا : میں اس سے زیادہ طاقت رکھتا ہوں۔ آپ (صلی اللہ علیہ وآلہ وسلم) نے فرمایا اچھا پچیس دنوں میں قرآن پڑھ لیا کر۔ میں نے عرض کیا : میں اس سے زیادہ طاقت رکھتا ہوں۔ فرمایا : اچھا بیس دنوں میں پڑھ لیا کر۔ عرض کیا : میں اس سے زیادہ طاقت رکھتا ہوں۔ فرمایا : پندرہ دنوں میں قرآن پڑھ لیا کر۔ عرض کیا : میں اس سے زیادہ طاقت رکھتا ہوں ۔ فرمایا : دس دن میں قرآن پڑھ لیا کر۔ میں نے عرض کیا : میں اس سے زیادہ طاقت رکھتا ہوں۔ فرمایا : پانچ دنوں میں قرآن پڑھ لیا کر۔ میں نے عرض کیا : میں اس سے زیادہ طاقت رکھتا ہوں فرمایا : (پس اس سے زیادہ) نہیں۔ رواہ ابن عساکر۔