٤١٣٢٦۔۔۔ جس نے اپنے بستر کے پاس کہا : اے اللہ ! ہمیں اپنی تدبیر سے مطمئن نہ کر اور ہمیں اپنی یادنہ بھلا اور ہم سے اپنا پردہ جس سے تو ہمارے گناہوں کو پوشیدہ رکھتا ہے۔ نہ ہٹا اور ہمیں غافلین میں سے نہ کر، اے اللہ ! ہمیں اپنے پسندیدہ وقت میں اٹھاتا کہ ہم تیرا ذکر کریں اور تو ہمیں یادرکھے اور ہم تجھ سے مانگیں اور تو ہمیں عطاکرے اور ہم تجھ سے دعاکریں اور تو ہماری دعائیں قبول کرے اور ہم تجھ سے مغفرت طلب کریں اور تو ہمیں بخش دے، تو اللہ تعالیٰ اپنے پسندیدہ وقت میں اس کی طرف ایک فرشتہ بھیجے گا جو اسے بیدارکرے گا اگر وہ اٹھا تو بہترورنہ وہ فرشتہ آسمان کی طرف پرواز کرجاتا ہے اور آسمان پر اللہ تعالیٰ کی عبادت میں مشغول ہوجاتا ہے پھر اس کی طرف دوسرا فرشتہ آتا ہے جو اسے بیدار کرتا ہے پس اگر وہ اٹھاجائے تو بہتر ورنہ وہ فرشتہ بھی آسمان کی طرف پرواز کرجاتا ہے اور اپنے ساتھ والے فرشتہ کے ساتھ کھڑا ہوجاتا ہے پھر اس کے بعد اگر وہ انسان اٹھ جائے اللہ تعالیٰ سے دعاکرے تو اس کی دعاقبول کی جاتی ہے اور اگر نہ اٹھے تو اللہ تعالیٰ ان فرشتوں کا ثواب اس کے لیے لکھ دیتا ہے۔ ابن النجار والدیلمی عن ابن عباس