4147: (مسند قیس بن ابی صعصعہ) آپ کا نام عمرو بن زید ہے۔ آپ صحابی رسول ہیں۔ قیس بن ابی صعصعہ سے مروی ہے انھوں نے نبی کریم (صلی اللہ علیہ وآلہ وسلم) سے عرض کیا : یا رسول اللہ ! میں کتنے دنوں میں قرآن پڑھوں۔ فرمایا پندرہ دنوں میں۔ انھوں نے عرض کیا : میں اپنے آپ کو اس سے زیادہ قوی پاتا ہوں۔ آپ (صلی اللہ علیہ وآلہ وسلم) نے فرمایا ہر ہفتہ میں پڑھ لیا کرو۔ عرض میں اس سے زیادہ اپنے کو قوی پاتا ہوں۔ یہ سن کر آپ (صلی اللہ علیہ وآلہ وسلم) چپ ہوگئے۔ پھر آپ چلے گئے۔ قیس (رض) فرتے ہیں اب میں پندرہ راتوں میں ختم قرآن کرتا ہوں اور کاش کہ میں نے آپ (صلی اللہ علیہ وآلہ وسلم) کی رخصت قبول کرلی ہوتی۔ (ابن مندہ، ابن عساکر)