٤١٤٦٢۔۔۔ تم نے جو نرم وسیع، نہ ختم ہونے والا راستہ دیکھاتو یہ وہ چیز یعنی ہدایت ہے جس نے تمہیں اس پر ابھار اور تم اس پر قائم ہو اور چراگاہ جو تم نے دیکھی تو وہ دنیا اور اس کی خوش عیشی ہے میں اور میرے صحابہ (رض) گزرگئے نہ ہم اس کی طرف متوجہ ہوئے اور نہ وہ ہمارے ساتھ چمٹی نہ ہم نے اس کا ارادہ کیا اور نہ اس نے ہمارا قصد کیا پھر ہمارے بعد دوسرا گھڑسواروں کا گلہ آیا جو تعداد میں ہم سے کئی زیادہ تھے تو وہ چراگاہ میں سے کھانے لگے اور کچھ نے مٹھی بھرگھاس لی اور اس طرح نجات پاگئے۔ پھر لوگوں کا بڑا ر یلا آیا تو چراگاہ میں دائیں بائیں پھیل گئے اور تم صحیح راستہ پر چل نکلے اور اسی پرچلتے رہوگے یہاں تک مجھ سے آملوگے اور جو منبرتم نے دیکھا کہ جس میں سات سیڑھیاں ہیں اور میں سب سے اوپر والی نشست پر ہوں سو دنیا کے سات ہزارسال ہیں اور میں ان میں سے آخری ہزار وے سال میں ہوں ۔ اور جو شخص تم نے میری دائیں جانب دیکھا جس کا رنگ گندم گوں لمبی مونچھوں والا تو وہ موسیٰ (علیہ السلام) تھے جب بات کرتے تو لوگوں پرچھاجاتے یہ اللہ تعالیٰ کے ان سے کلام کرنے کی فضیلت کی وجہ سے اور میری بائیں جانب جو تم نے بےحد میانے قدوالا نوجوان دیکھا جس کے چہرہ پر زیادہ تل تھے گویا اس نے اپنے بالوں کو پانی سے سیاہ کررکھا ہے تو وہ عیسیٰ بن مریم تھے ہم ان کی عزت اس لیے کرتے ہیں کہ اللہ تعالیٰ نے انھیں عزت بخشی ہے۔ وہ بوڑھاشخص جو تم نے شکل و صورت میں زیادہ میرے مشابہ دیکھاتو وہ ہمارے باپ ابراہیم تھے ہم سب ان کی پیروی اور ان کے پیچھے چلتے ہیں اور وہ اونٹنی جو تم نے دیکھی میں اس کا پیچھا کررہاہوں تو وہ قیامت ہے ہم پر قائم ہوگی میرے بعدنہ کوئی نبی نہ کوئی امت اور نہ تمہارے بعد کوئی امت ہے۔ طبرانی فی الکبیر بیہقی عن الضحاک بن نوفل