٤١٤٩٢۔۔۔ میں نے رات دو شخص دیکھے جو میرے پاس آئے اور میرا ہاتھ پکڑ کر مجھے پاک زمین کی طرف نکال کرلے گئے تو کیا دیکھتا ہوں کہ ایک شخص بیٹھا ہے اور ایک اس کے سرکے پاس کھڑا ہے اس کے ہاتھ میں لوہے کا ایک آنکس لوہے کی چھوٹی سلاخ جو سرے سے مڑی ہوئی ہو جس سے آگ نکالی جاتی ہے وہ اسے اس شخص کی باچھ میں داخل کرکے اس کی گدی تک چیرتا ہے پھرا سے نکال کر دوسری باچھ میں داخل کرتا ہے یہ باچھ اتنے میں جڑجاتی ہے اس کے ساتھ بھی وہی کرتا ہے۔ میں نے کہا : یہ کیا ہے ؟ انھوں نے کہا : چلیں میں ان کے ساتھ چل پڑا کیا دیکھتا ہوں کہ ایک شخص چت لیٹا ہے اور اس کے پاس ایک شخص کھڑا ہے اس کے ہاتھ میں سیب جتنا پتھریاچٹان ہے وہ اس کے ذریعہ اس کا سرکچلتا ہے تو پتھر لڑھک کر چلاجاتا ہے اتنے میں کہ وہ شخص پتھر اٹھاکرواپس لائے اس کا سرپہلے جیسا ہوجاتا ہے تو وہ پھرا سکے ساتھ اسی طرح کرتا ہے میں نے کہا : یہ کیا ہے ؟ انھوں نے کہا (رح) : چلیں تو میں ان کے ساتھ چل پڑاکیادیکھتا ہوں کہ ایک گھرتنور کی مانندبنا ہے اوپر سے تنگ اور نیچے سے کشادہ ہے اس کے نیچے والے حصہ میں آگ جل رہی ہے اس میں ننگے مرد عورتیں ہیں جب اس میں آگ بھڑکتی ہے تو وہ اتنے اوپر آجاتے ہیں جیسا نکلنے والے ہیں جب آگ بجھ جاتی ہے تو وہ واپس لوٹ جاتے ہیں میں نے کہا یہ کیا ہے ؟ انھوں نے کہا چلیں تو میں ان کے ساتھ چل پڑا۔ کیا دیکھتاہوں کہ خون کی ایک نہ رہے اس میں ایک شخص ہے اور اس کے کنارے پر ایک آدمی ہے جس کے سامنے پتھر پڑے ہیں پھر وہ شخص جو نہر میں ہے وہ کنارے کا رخ کرتا ہوا نکلنے کے قریب ہوتا ہے تو اس کے منہ میں پتھر پھینکے جاتے ہیں تو واپس لوٹ جاتا ہے وہ شخص اس کے ساتھ یہی سلوک کرتا ہے میں نے کہا : یہ کیا ہے ؟ انھوں نے مجھے کہا : چلیں چنانچہ میں چل پڑاکیادیکھتا ہوں کہ ایک سرسبزباغ ہے اس میں ایک بہت بڑا درخت ہے اس کی جڑ کے پاس ایک بوڑھا شخص بیٹھا ہے اور اس کے پاس بہت سے بچے ہیں اور قریب ہی میں ایک شخص ہے جس کے سامنے آگ ہے وہ آگ کرید اور سلگار ہا ہے پھر وہ مجھے اس درخت پرلے گئے وہاں مجھے ایک ایسے گھر میں لے گئے کہ میں نے اس سے خوبصورت گھر نہیں دیکھا جس میں مرد بوڑھے نوجوان بچے اور عورتیں ہیں پھر مجھے وہاں سے نکال لائے پھر مجھے درخت پرلے گئے اور ایک اور گھر میں لے گئے جو زیادہ بہتر اور افضل تھا اس میں بوڑھے اور جوان ہیں میں نے ان سے کہا : تم دونوں نے مجھے رات بھر اپنے ساتھ رکھا جو چیزیں میں نے دیکھیں جو مجھے ان کے بارے میں بتاؤ ! انھوں نے کہا : ٹھک ہے۔ پہلا شخص جسے آپ نے دیکھا وہ بڑا جھوٹا تھا وہ جھوٹ بولتا اور آس پاس علاقوں میں اس کا جھوٹ نقل کیا جاتا جو کچھ آپ نے اس کے ساتھ ہوتے دیکھا وہ قیامت تک اس کے ساتھ ہوتا رہے گا۔ پھر اللہ تعالیٰ اس کے ساتھ جو معاملہ فرمائیں اور وہ شخص جو چت لیٹا ہوا تھا وہ شخص ہے جسے اللہ تعالیٰ قرآن دیاتو وہ رات میں اس سے غافل ہو کر سوگیا اور دن میں اس پر عمل نہیں کیا جو کچھ آپ نے اس کے ساتھ ہوتے دیکھا وہ قیامت تک اس کے ساتھ ہوتا رہے گا۔ اور جو لوگ آپ نے تنورنماگھر میں دیکھے وہ زنا کار تھے اور جو شخص نہر میں آپ نے دیکھا تو وہ سودخور تھا اور جو بزرگ آپ نے درخت کی جڑ کے پاس بیٹھے دیکھے وہ ابراہیم (علیہ السلام) تھے اور جو بچے آپ نے دیکھے وہ لوگوں کی اولاد تھی اور جو شخص آپ نے آگ سلگاتا دیکھا تو وہ جہنم کا داروغہ مالک فرشتہ ہے اور جس گھر میں آپ پہلے داخل ہوئے وہ عام مسلمانوں کا گھر تھا اور دوسرا گھر وہ شہداء کا مقام تھا اور میں جبرائیل ہوں اور یہ میکائیل ہیں۔ پھر انھوں نے کہا : اپنا سر اٹھایئے میں نے سر اٹھا کر دیکھا تو بادل کی سی صورت نظر آئی تو انھوں نے کہا : یہ آپ کا گھر ہے میں نے کہا : مجھے اس میں جانے دو ! انھوں نے کہا : ابھی آپ کی کچھ عمرباقی ہے جسے آپ نے مکمل نہیں کیا اگر آپ اسے مکمل کرچکے ہوتے تو اس میں داخل ہوجاتے۔ مسند احمد بخاری عن سمرۃ، کلام۔۔۔ راجع ٣٩٧٩٤۔