4157: ابی ملیکہ (رض) سے مروی ہے کہ حضرت عمر (رض) کے دور خلافت میں ایک اعرابی مدینہ آیا (جو اس وقت اسلامی دنیا کا دارالخلافہ تھا) اعرابی نے کہا : جو اللہ نے محمد پر نازل کیا ہے مجھے کون سکھائے گا ؟ ایک شخص نے ایک دیہاتی کو سورة برأت سکھائی اور یہ آیت یوں پڑھائی ان اللہ بریء من المشرکین ورسولہ اور ورسولہ کو ورسولہ زیر کے ساتھ پڑھا۔ جس کے معنی یہ ہوگئے کہ اللہ مشرکین اور رسول سے بری ہے۔ چنانچہ اعرابی نے کہا : کیا اللہ رسول سے بری ہے ؟ اس اعرابی نے عرض کیا : اے امیر المومنین ! میں مدینہ میں آیا، مجھے قرآن کا کچھ علم نہیں تھا۔ سو میں نے کہا مجھے کون قرآن سکھائے گا ؟ اس شخص نے مجھے سورة برات سکھائی اور یوں پڑھائی ان اللہ بریء من المشرکین ورسولہ۔ میں نے کہا اگر اللہ ہی رسول سے بری ہو تو میں اور زیادہ رسول سے بری ہوں۔ حضرت عمر (رض) نے فرمایا : اے اعرابی یہ آیت یوں نہیں ہے اعرابی نے پوچھا : اور کیسے ہے یا امیر المومنین ! فرمایا : ان اللہ و بریء من المشرکین و رسولہ ہے جس کا معنی ہے اللہ اور اس کا رسول مشرکین سے بری ہیں۔ اعرابی نے کہا : اللہ کی قسم میں بھی مشرکین سے بری ہوں جن سے اللہ اور اس کا رسول بری ہیں۔
پھر حضرت عمر بن خطاب (رض) نے حکم جاری کیا کہ کوئی شخص قرآن نہ پڑھائے سوائے زبان کے جاننے والے عالم کے۔ اور پھر آپ نے ابو الاسود (رح) کو نحو (عربی گرامر) لکھنے کا حکم فرمایا۔ ابن الانباری فی الوقت والابتداء۔