4161: ابن عمر (رض) کے غلام سے مروی ہے کہ صبیغ العراق نے مسلمان لشکروں میں قرآن کے متعلق چند غیر ضروری چیزوں کے بارے میں سوالات کرنا شروع کیے۔ حتی کہ وہ (اس طرح کے فضول) سوالات کرتا ہوا مصر میں آگیا۔ آخرت حضرت عمرو بن العاص (رض) نے اس کو حضرت عمر بن خطاب (رض) امیر المومنین کے پاس بھیج دیا۔ اور ایک قاصد کو (اس کے بارے میں) خط دے کر بھیجا۔ جب قاصد خط لے کر آپ (رض) کے پاس پہنچا اور آپ نے خط پڑھا تو پوچھا کہاں ہے وہ شخص ؟ عرض کیا : سواری پر ہے۔ حضرت عمر (رض) نے فرمایا : دیکھو اگر وہ چلا گیا تو تجھے بڑی سخت سزا دون گا لہٰذا جلدی اس کو لے کر آ ! چنانچہ قاصد (جلدی کے ساتھ) اس کو لے کر حاضر ہوا۔
آپ (رض) نے اس سائل صبیغ عراقی سے پوچھا : تو کس چیز کے بارے میں سوال کرتا پھر رہا ہے ؟ اس نے اپنے سوالات بیان کیے۔
راوی ابن عمر کے غلام کہتے ہیں حضرت عمر (رض) نے میرے اس ایک شخص کو چھڑی لانے کے لیے بھیجا۔ چنانچہ پھر چھڑی کے ساتھ اس کو اس قدر مارا اس قدر مارا کہ اس کی کمر (بھڑوں کا) چھتہ بنا کر چھوڑا۔ پھر اس کو چھوڑا اور وہ کچھ عرصہ بعد صحت یاب ہوگیا پھر بلا کر پہلے کی طرح خوب مارا۔ پھر چھوڑ دیا حتی کہ وہ صحت یاب ہوگیا۔ پھر بلایا تاکہ سہ بارہ اس کو سزا دیں۔ اس بار صبیغ عراقی نے کہا : یا امیر المومنین اگر آپ مجھے قتل کرنا چاہتے ہیں تو اچھی طرح قتل کردیجیے اور اگر میری دوا دارو کرنا چاہتے ہیں تو وہ میں بالکل صحت یاب ہوں۔ آخر حضرت عمر (رض) نے اس کو اپنے وطن جانے کی اجات مرحمت فرما دی۔ اور وہاں کے امیر حضرت ابو موسیٰ اشعری (رض) کو لکھ بھیجا۔ اس شخص کے ساتھ کوئی نہ اٹھے بیٹھے۔
لوگوں سے یہ قطع تعلقی اس کو (حضرت عمر (رض) کی دی گئی سزا سے بھی زیادہ) سخت دشوار گذری۔ چنانچہ ابو موسیٰ اشعری (رض) نے حضرت عمر (رض) کو لکھا کہ وہ شخص درست ہوگیا ہے۔ تب حضرت عمر (رض) نے ابو موسیٰ (رض) کو لکھا کہ اس کو لوگوں کے ساتھ ملنے جلنے کی اجازت دے دو ۔ (الدارمی، ابن عبدالحکیم، ابن عساکر)