٤١٧٢٠۔۔۔ ازمسندجابربن عبداللہ ، جابر (رض) سے روایت ہے فرمایا : جب خیبرکاواقعہ پیش آیا تو لوگوں میں فاقہ ہوگیا تو انھوں نے پالتوگدھے پکڑکرذبح کرنے شروع کردیئے اور ان سے ہنڈیاں بھرلیں نبی (صلی اللہ علیہ وآلہ وسلم) کو پتہ چلاتو آپ نے ہمیں حکم دیا کہ ہنڈیوں کو الٹ دو اور فرمایا : عنقریب اللہ تعالیٰ تمہیں ایسارزق دے گا جو زیادہ پاک اور حلال ہوگا ہم نے اس دن کھولتی ہنڈیاں الٹ دیں تو اس دن نبی (صلی اللہ علیہ وآلہ وسلم) نے پالتوگدھے خچر اور کچلیوں والا ہر درندہ حرام قراردیا اسی طرح ہرپنجہ سے شکار کرنے والا پرندہ اچک لینے اور لوٹنے کو حرام قراردیا۔ ابن عساکر