٤١٧٥٤۔۔۔ حضرت ابوایوب (رض) سے روایت ہے فرمایا : جب رسول اللہ (صلی اللہ علیہ وآلہ وسلم) میرے پاس فروکش ہوئے تو میں نے عرض کی میری ماں باپ آپ پر قربان ہوں میں آپ سے اوپر والے مکان میں رہوں اور مجھ سے نچلے والے مکان میں رہیں تو رسول اللہ (صلی اللہ علیہ وآلہ وسلم) نے فرمایا نچلا حصہ ہمارے لیے زیادہ بہتر ہے کیونکہ ہمارے پاس لوگوں کا ہجوم رہتا ہے۔ میں نے عرض کی میں نے دیکھا کہ ہمارا ایک گھڑاٹوٹ گیا جس کا پانی بہہ پڑاتو میں اور ایوب اپنی چادرلے کر اٹھے اور ہمارا اس کےعلاوہ کوئی لحاظ بھی نہ تھا ہم اس سے پانی خشک کرنے لگے کہ کہیں رسول اللہ (صلی اللہ علیہ وآلہ وسلم) کو ہماری طرف سے کوئی تکلیف نہ پہنچے ہم کھانا بناتے تھے جب اس کھانے سے بچ جاتاجو آپ تناول فرماتے تھے ہم اس میں آپ کی انگلیوں کی جگہ تلاش کرتے ہم اس سے برکت کے حصول کے لیے کھاتے تھے۔ ایک رات کا کھانا آپ نے واپس کیا جس میں ہم نے لہسن اور پیاز ڈالی تھی ہم اس میں نبی (صلی اللہ علیہ وآلہ وسلم) انگلیوں کے نشان تلاش کرنے لگے۔ پھر میں نے آپ کو اپنے اس فعل کی اطلاع دی اور جو کچھ آپ نے ہمیں واپس کیا اور اسے کھایا نہیں اس کا تذکرہ کیا آپ نے فرمایا : مجھے اس سے اس پودے کی بو آئی اور میں ایسا شخص ہوں کہ مناجات کرتا ہوں اور میں نہیں چاہتا کہ مجھ سے اس کی بو آئے سو تم لوگ کھالیاکرو۔ رواہ الطبرانی