٤١٨٤٥۔۔۔ (مسندسلمہ بن اکوع) ایاس بن سلمہ سے روایت ہے وہ اپنے والد سے روایت کرتے ہیں کہ رسول اللہ (صلی اللہ علیہ وآلہ وسلم) نے حضرت عثمان بن عفان (رض) کو اہل مکہ کی طرف روانہ فرمایا : تو راستہ میں انھیں ابان بن سعید بن العاص مل گئے انھوں نے انھیں اپنی زین پر سوار کرکے اپنے پیچھے بٹھالیا یہاں تک کہ انھیں مکہ لیے آئے پھر ان سے کہا : چچاز اد مجھے تم خوفزدہ لگتے ہو اس طرح تہبند لٹکالو جیسے تمہاری قوم لٹکاتی ہے حضرت عثمان نے فرمایا ہمارے صاحب اس طرح آدھی پنڈی تک ازار باندھتے ہیں، انھوں نے کہا : چچازاد ! بیت اللہ کا طواف کرلو فرمایا : ہم کوئی شرعی کام نہیں کرتے یہاں تک کہ ہمارے صاحب نہ کرلیں ہم ان کی پر وی کرتے ہیں۔ ابویعلی والرویانی، ابن عساکر