٤١٨٦٠۔۔۔ سعید بن سفیان قاری سے روایت ہے فرمایا : کہ میرے بھائی کا انتقال ہوا تو انھوں نے اللہ تعالیٰ کی راہ میں سو دینار دینے کی وصیت کی تھی میں حضرت عثمان بن عفان (رض) کے پاس گیا آپ کے پاس ایک شخص بیٹھا تھا اور مجھ پر ایسی قبا تھی جس کی جیب اور پیچھے کے دامن کی پھٹن میں ریشم کی سلائی تھی اس شخص نے جب مجھے دیکھا تو وہ میری طرف لپکا اور مجھ سے میری قباچھیننے لگاتا کہ اسے پھاڑدے۔ حضرت عثمان (رض) نے جب یہ صورت حال دیکھی تو فرمایا : اس شخص کو چھوڑدو تو اس نے مجھے چھوڑ دیا پھر فرمایا : تم لوگوں نے بڑی جلدی کی پھر میں نے حضرت عثمان (رض) سے پوچھا : میں نے کہا : امیرالمومنین ! میرا بھائی فوت ہوگیا ہے اور انھوں نے اللہ تعالیٰ کی راہ میں سو دینار صدقہ کرنے کی وصیت کی ہے آپ مجھے کیا حکم دیتے ہیں ؟ آپ نے فرمایا : مجھ سے پہلے کسی سے پوچھا ہے ؟ میں نے کہا نہیں آپ نے فرمایا : اگر تم نے مجھ سے پہلے کسی سے پوچھا اور میں نے اس کے برخلاف فتوی دیاتو میں تمہاری گردن اڑادوں گا۔ اللہ تعالیٰ نے ہمیں سرتسلیم خم کرنے کا حکم دیا ہے سو ہم سب مان گئے اور ہم مسلمان ہیں۔ اور ہمیں ہجرت کا حکم دیاسوہم نے ہجرت کی توہم مہاجرین مدینہ والے ہیں۔ پھر ہمیں جہاد کا حکم دیا اور تم لوگوں نے جہاد کیا اور تم شام والے مجاہد ہو۔ ان پیسوں کو اپنے لیے اپنے گھروالوں کے لیے اور اپنے قریب کسی حاجت مند کی ضرورت میں صرف کردو کیونکہ اگر تم درہم لے کر گوشت خرید کر لاؤا سے تمہارے گھروالے کھائیں تو تمہارے لیے سات سودراہم کا ثواب لکھاجائے گا چنانچہ میں ان کے پاس سے باہرنکل گیا اور میں نے اس شخص کے بارے میں پوچھا جو مجھ سے چھین وجھپٹ کررہا تھا کہ کون ہے ؟ تو کسی نے کہا : یہ علی بن ابی طالب ہیں۔ میں ان کے گھرآیا اور ان سے پوچھا آپ نے میری کیا غلطی دیکھی ؟ انھوں نے فرمایا : میں نے رسول اللہ (صلی اللہ علیہ وآلہ وسلم) کو فرماتے سنا ہے : عنقریب میری امت عورتوں کی شرم گاہوں اور ریشم کو حلال سمجھنے لگے گی تو یہ پہلی بات جو میں نے ایک مسلمان پر دیکھی تو میں ان کے پاس چلا گیا اور اس قباکو بیچ ڈالا۔ رواہ ابن عساکر