٤١٨٦٦۔۔۔ ابوسلمہ بن عبد الرحمن سے روایت ہے فرمایا : کہ حضرت عبدالرحمن بن عوف نے رسول اللہ (صلی اللہ علیہ وآلہ وسلم) سے زیادہ جوؤں کی شکایت کی اور کہا یارسول اللہ ! کیا آپ مجھے ریشمی قمیض پہننے کی اجازت دیتے ہیں ؟ تو آپ نے انھیں اجازت دے دی جب رسول اللہ (صلی اللہ علیہ وآلہ وسلم) اور حضرت ابوبکر (رض) کی وفات ہوچکی اور حضرت عمر (رض) خلیفہ بنے تو وہ اپنے بیٹے ابوسلمہ کو لائے جس نے ریشمی قمیض پہن رکھی تھی تو حضرت عمر (رض) نے فرمایا : یہ کیا ہے ؟ پھر حضرت عمر (رض) نے قمیض میں ہاتھ ڈالا اور اسے نیچے تک پھاڑدیا تو حضرت عبدالرحمن (رض) نے کہا : کیا آپ کو پتہ نہیں کہ رسول اللہ (صلی اللہ علیہ وآلہ وسلم) نے اسے میرے لیے حلال قراردیا ہے آپ نے فرمایا : تمہارے لیے اس وجہ سے حلال کیا تھا کہ تم نے جوؤں کی شکایت کی تھی لہٰذاتمہارے علاوہ کسی کو اجازت نہیں۔ ابن سعد وابن منیع