٤١٩٥٠۔۔۔ سالم بن عبداللہ سے روایت ہے فرمایا : میں نے اپنے والد کے زمانہ میں شادی کی دعوت کی تو میرے والد نے لوگوں کو بلایاجن میں حضرت ابوایوب بھی تھے میرے کمرہ کو سبزچادروں سے سجا رکھا تھا حضرت ابوایوب آئے تو انھوں نے اپنا سرجھکا لیا پھر دیکھاتو کمرہ پرچادریں تھیں فرمایا : عبداللہ ! کیا تم لوگ دیواروں پر پردے ڈالتے ہو۔ میرے والد نے کہا۔ آپ حیاکر رہے تھے۔ ابوایوب ہم پر عورتیں غالب آگئیں آپ نے فرمایا : اوروں پر تو عورتوں کے غالب ہونے کا خدشہ تھا لیکن تمہارے بارے ہیں مجھے یہ خوف نہ تھا کہ تم پر عورتیں غالب آجائیں گی نہ میں تمہارے گھرداخل ہوں گا اور نہ تمہارا کھانا کھاؤں گا۔ رواہ ابن عساکر