4199: قرآن سے دنیا نہ کمائے
(مسند طفیل بن عمرو الدوسی) ذی النور عن اسماعیل بن عیاش، عبد ربہ بن سلیمان کی سند کے ساتھ حضرت طفیل بن عمرو دوسی (رض) سے مروی ہے کہ مجھے ابی بن کعب (رض) نے قرآن پڑھایا، میں نے ان کو ہدیہ میں ایک کمان پیش کی، وہ صبح کو کمان کاندھے پر لٹکائے نبی (صلی اللہ علیہ وآلہ وسلم) کی خدمت میں تشریف لے گئے۔ آپ (صلی اللہ علیہ وآلہ وسلم) نے ان سے دریافت کیا :
اے ابی یہ کمان کس نے تم کو دی ؟ انھوں نے طفیل بن عمرو الدوسی کا نام لیا اور بتایا کہ میں نے ان کو قرآن پڑھایا تھا۔ تب رسول اللہ (صلی اللہ علیہ وآلہ وسلم) نے فرمایا : تو پھر تم نے جہنم کا ایک ؟ ؟؟ ؟ لیا ہے۔ ابی (رض) نے عرض کیا یا رسول اللہ ! اور ہم ان کا کھانا کھاتے ہیں ؟ فرمایا کھانا تو تیرے علاوہ کسی اور کے لیے بنایا ہو اور تم حاضر ہوجاؤ تو تب تمہارے کھانے میں کوئی حرج نہیں۔ اور اگر وہ کھانا خاص تمہارے لیے بنایا گیا ہو تو تب اگر تم نے کھایا تو اپنے آخرت کے حصے سے کھایا۔ (البغوی)
کلام : حدیث غریب ہے، عبد ربہ بن سلیمان بن زیتون اہل حمص سے ہیں اور ان کا سماع حضرت طفیل (رض) سے ثابت نہیں۔ (رواہ ابن عساکر)