٤١٩٨٧۔۔۔ مسندعلی ابواسحاق ہمدانی اپنے والد سے روایت کرتے ہیں کہ حضرت علی (رض) نے میرے لیے ایک تحریر لکھی فرمایا : مجھے رسول اللہ (صلی اللہ علیہ وآلہ وسلم) نے اس کا حکم دیا ہے کہ جب تم اپنے بستر پر آؤ تو کہا کرو : میں تیری کریم ذات کے ذریعہ اور تیرے کامل کلمات کی وجہ سے ہراس چیز کے شر سے تیری پناہ چاہتاہوں جس کی پیشانی تیرے ہاتھ میں ہے اے اللہ ! تو ہی تاوان اور گناہ کو ختم کرتا ہے اے اللہ ! تیرا لشکر شکست نہیں کھانا اور نہ تیرے وعدہ میں عہد شکنی ہے اور نہ کسی بزرگی والے کی بزرگی تیرے سامنے کچھ کام آتی ہے تو پاک ہے تیری حمد ہے۔ ابن ابی الدنیا فی الدعاء