٤١٠٨١۔۔۔ (اسی طرح) عروۃ سے روایت ہے کہ زید بن ثابت (رض) نے فرمایا : اللہ تعالیٰ رافع بن خدیج کی مغفرت فرمائے یہ حدیث اس طرح نہیں ہوایوں تھا کہ ایک شخص نے ایک آدمی کو کرائے پر زمین دی پھر ان کی لڑائی ہوگئی ایک معاملہ جس سے وہ دونوں بچ رہے تھے اس کی وجہ سے ایک دوسرے کو برابھلاکہا تو رسول اللہ (صلی اللہ علیہ وآلہ وسلم) نے فرمایا : اگر تم لوگوں کا یہی حال رہے تو کرایہ پر زمین نہ دیاکرو تو رافع نے آخری حصہ سنا اور ابتدائی نہیں سنا۔ رواہ عبدالرزاق