4212: ابن مسعود (رض) کی خدمت میں کوفہ کے کچھ لوگ حاضر ہوئے۔ آپ (رض) نے ان کو سلام کیا۔ ان کو تقوی اختیار کرنے کا حکم دیا اور یہ کہ وہ قرآن میں اختلاف نہ کریں، نہ اس میں باہم جھگڑا کریں، بیشک قرآن مختلف حکموں کا حامل نہیں ہوسکتا۔ اور اگر کثرت کے ساتھ اس کو پڑھا جائے تو وہ بھولتا ہے اور ختم ہوتا ہے۔ فرمایا : کیا تم دیکھتے نہیں کہ اس میں ایک ہی شریعت بیان کی گئی ہے جو اسلام ہے۔ اسلام کے فرائض، حدود اور اوامر اس میں بیان کیے گئے ہیں۔ اگر دو قراءتوں میں ایسا ہو کہ ایک قراءت ایک حکم دیتی ہے دوسری قراءت اس سے منع کرتی ہے تو یہ اصل اختلاف ہے۔ لیکن قرآن میں ایسا نہیں بلکہ قرآن تمام قراءتوں کو اتفاق کے ساتھ جامع ہے۔ اور میں امید کرتا ہوں کہ فقہ و علم کے ساتھ تمہارے اندر بہترین لوگ پیدا ہوچکے ہیں۔ اگر مجھے یہ اونٹ ایسے کسی شخص کے پاس پہنچا سکتے جو محمد (صلی اللہ علیہ وآلہ وسلم) پر نازل کی گئی تعلیمات کو مجھ سے زیادہ جانتا ہے تو میں ضرور اس کا ارادہ کرتا تاکہ اس کے علم سے اپنے علم میں اضافہ کرلوں۔
مجھے معلوم ہے کہ نبی کریم (صلی اللہ علیہ وآلہ وسلم) پر ہر سال ایک مرتبہ قرآن پڑھا گیا۔ میں جب بھی آپ کو قرآن سناتا تھا آپ فرماتے تھے : میں قرآن اچھا پڑھتا ہوں۔ پس جو مجھ سے میری قراءت سیکھ لے وہ اس سے اعراض کرکے اس کو نہ چھوڑے بیشک جس نے قرآن کی ایک قراءت کا بھی انکار کردیا اس نے پورے قرآن کا انکار کردیا ۔ رواہ ابن عساکر۔
نوٹ : 3068 نمبر حدیث کے ذیل میں قراءت قرآن کی تفصیل ملاحظہ فرمائیں۔