4217: (مسند اوس ثقفی (رض)) اوس بن حذیفہ ثقفی (رض) فرماتے ہیں ہم قبیلہ بنوثقیف کا ایک وفد رسول اللہ (صلی اللہ علیہ وآلہ وسلم) کی خدمت میں حاضر ہو۔ اخلافیس حضرت مغیرہ بن شعبہ (رض) کے ہاں ٹھہر گئے اور مالک یین کو رسول اللہ (صلی اللہ علیہ وآلہ وسلم) نے قبہ میں ٹھہرایا۔
آپ (صلی اللہ علیہ وآلہ وسلم) عشاء کے بعد ہمارے پاس تشریف لاتے تھے۔ زیادہ دیر تک کھڑے رہنے کی وجہ سے کبھی ایک پاؤں پر کبھی دوسرے پاؤں پر کھڑے ہوجاتے تھے۔ اکثر آپ قریش کی تکالیف کا ذکر فرماتے تھے کہ ہم مکہ میں انتہائی کمزور حالت میں تھے، پھر جب مدینہ آئے تو ہم نے قوم (قریش) سے انصاف لیا، پس جنگ کا ڈول کبھی ہم پر گھوم جاتا اور کبھی ان پر۔
ایک مرتبہ رسول اللہ (صلی اللہ علیہ وآلہ وسلم) مقررہ وقت سے کچھ دیر سے تشریف لائے ہم نے عرض کیا یا رسول اللہ ! آپ جس وقت تشریف لاتے تھے اس سے کچھ تاخیر ہوگئی ؟ فرمایا : مجھ پر قران کا کچھ حصہ نازل ہوا تھا تو میں نے چاہا کہ نکلنے سے پہلے اس کو آگے پڑھا دوں یا فرمایا پورا کردوں۔ خیر صبح کو ہم نے رسول اللہ (صلی اللہ علیہ وآلہ وسلم) کے صحابہ سے قرآن کے حصوں کے بارے میں سوال کیا کہ وہ کیسے اس کو ٹکڑے ٹکڑے کرکے پڑھتے ہیں ؟ انھوں نے کہا : ہم تین تین، پانچ پانچ، سات سات، نو نو، گیارہ گیارہ، اور تیرہ تیرہ آیات اور پوری پوری سورت کرکے پڑھتے ہیں اور سیکھتے ہیں۔ (ابو داؤد الطیالسی ، مسند احمد، ابن جریر، الکبیر للطبرانی، ابو نعیم)