42506: ۔۔۔ جب انسان اپنی قبر میں داخل ہوتا ہے تو اسے اس کا نیک عمل گھیر لیتا ہے، یعنی نماز روزہ، روزہ، نماز کی طرف سے فرشتہ آتا ہے تو وہ اسے دھکیل دیتی ہے، اور روزہ کی طرف سے آتا ہے تو وہ اسے ہٹآ دیتا ہے، پھر وہ ایسے آواز دیتا ہے کہ اٹھ بیٹھ ! تو وہ بیٹھ جاتا ہے، وہ فرشتہ اس سے کہتا ہے : اس شخص (حضرت محمد (صلی اللہ علیہ وآلہ وسلم)) کے بارے میں تو کیا کہتا ہے ؟ وہ پوچھے گا : کون ؟ فرشتہ کہے گا : محمد۔ تو وہ شخص کہے گا : میں گواہی دیتا ہوں کہ وہ اللہ تعالیٰ کے رسول ہیں، فرشتہ اس سے کہے گا : تجھے کیا پتہ ؟ کیا تو نے انھیں دیکھا ہے، وہ کہے گا : میں گواہی دیتا ہوں کہ وہ اللہ تعالیٰ کے رسول ہیں، فرشتہ اس سے کہے گا : تو اسی پر جیا، اسی پر تیری موت ہوئی اور اسی پر تجھے اٹھایا جائے گا۔
اور اگر وہ شخص فاجر یا کافر ہو تو فرشتہ اس کے پاس آ کر کہتا ہے۔ اس کے اور فرشتہ کے درمیان کوئی چیز آڑے نہیں آتی وہ اسے بٹھاتا ہے : اس شخص کے بارے تو کیا کہتا ہے : وہ پوچھے گا کون شخص ؟ فرشتہ کہے گا : محمد (صلی اللہ علیہ وآلہ وسلم) وہ کہے گا : اللہ کی قسم ! مجھے پتہ نہیں، میں نے لوگوں کو ایک بات کہتے سنا تو میں بھی کہہ دی، فرشتہ اس سے کہے گا : تو اسی پر زندہ رہا، اسی پر مرا اور اسی پر تو اٹھایا جائے گا : اور اس کی قرب میں اس پر ایک کالا جانور مسلط کردیا جائے گا اس کے پاس ایک کوڑا ہوگا جس کی گرہ میں ایک چنگاری ہوتی ہے جیسے اونٹ کی گردن کے بال پھر وہ اسے اتنا مارے گا جتنا اللہ تعالیٰ چاہے گا، وہ جانور بہرا ہوگا اس کی آواز نہیں سنے گا کہ اس پر رحم کرے۔ مسند احمد، طبرانی فی الکبیر عن اسماء بنت ابی بکر۔