4252: محمد بن الحنفیہ (رح) سے منقول ہے کہ (ان کے والد) حضرت علی (رض) نے فرمایا : مجھے یہ بات سمجھ نہ آرہی تھی :
فان طلقہا فلا تحل لہ من بعد حتی تنکح زوجا غیرہ فان طلہا فلا جناح علیہما ان یتراجعا۔
پس اگر وہ طلاق دے دے تو اس کے لیے حلال نہ ہوگی حتی کہ دوسرے شوہر سے نکاح کرے پھر اگر وہ طلاق دے دے تو ان کو رجوع کرنے میں کوئی حرج نہیں۔ میں نے قرآن پڑھا پھر مجھے سمجھ آیا کہ جب اس کو دوسرا شوہر طلا دیدے تو ہ پہلے تین طلاق دینے والے شوہر سے نکاح کرسکتی ہے۔
پھر حضرت علی (رض) ایک الگ مسئلہ بیان کرتے ہوئے فرماتے ہیں :
میں رجل نداء تھا یعنی مجھے مذی بہت آتی تھی (بیوی سے بوس و کنار کرتے وقت شرم گاہ سے معمولی قطرات خارج ہوتے ہیں جو منی کے علاوہ اور اس سے پہلے آتے ہیں) مجھے حیاء آتی تھی کہ نبی کریم (صلی اللہ علیہ وآلہ وسلم) سے اس کے متعلق سوال کروں۔ کیونکہ آپ کی بیٹی میرے نکاح میں تھی۔ چنانچہ میں نے مقداد بن اسود کو کہا انھوں نے نبی (صلی اللہ علیہ وآلہ وسلم) سے اس کے بارے میں پوچھا تو آپ (صلی اللہ علیہ وآلہ وسلم) نے فرمایا : اس میں صرف وضو ہے۔ (عبد ابن حمید)