42592: ۔۔۔ اے مومنوں کے گھر والو ! تم پر سلام ہو ! اور ہم انشاء اللہ تمہارے ساتھ ملنے والے ہیں، کاش ہم اپنے بھائیوں کو دیکھ لیتے، لوگوں نے عرض کیا : کیا ہم آپ کے بھائی نہیں ؟ اپ نے فرمایا : بلکہ تم میرے صحابہ و، ہمارے بھائی وہ لوگ ہیں جو ابھی تک نہیں آئے، لوگوں نے عرض کیا : آپ اپنی امت کے ان لوگوں کو کیسے پہچانیں گے جو ابھی تک نہیں آئے ؟ آپ نے فرمایا تمہارا کیا خیال ہے اگر ایک شخص کے سفید کھروں والے گھوڑے سیاہ گھوڑوں کے درمیان میں ہوں تو کیا وہ انھیں نہیں پہچانے گا ؟ لوگوں نے عرض کیا : کیوں نہیں ؟ آپ نے فرمایا : تو وہ بھی قیامت کے روز اعضاء و ضو سے چمک رہے ہوں گے اور میں نے ان کے لیے حوض پر پہلے سے موجود ہوں گا، آگاہ رہو ! کچھ لوگ میرے حوض سے ایسے ہٹآ دئیے جائیں گے جیسے بدراہ اونٹ (کسی جگہ سے) ہٹآ دیے جاتے ہیں۔ میں انھیں پکار کر کر کہوں گا، میری طرف آؤ، میری طرف آؤ کہا جائے گا انھوں نے آپ کے بعد (دین) بدل دیا تھا تو میں کہوں گا، دوری ہو، دوری ہو۔ دوری ہو، (مالک والشافی مسند احمد نسائی ابن ماجۃ ابن حبان عن ابوہریرہ کہ رسول اللہ (صلی اللہ علیہ وآلہ وسلم) ایک قبرستان میں آئے تو یہ ارشاد فرمایا۔