4265: عبیدہ سلمانی سے مروی ہے کہتے ہیں : میں نے حضرت علی (رض) سے اس آیت کے بارے میں سوال کیا :
یا ایہا الذین آمنوا انفقوا من طیبات ما کسبتم : البقرہ : 267 ۔
آپ (رض) نے فرمایا : یہ آیت زکوۃ فرض کے بارے میں نازل ہوئی ہے۔ ایک شخص اپنے کھجوروں کے ڈھیر کی طرف بھڑھتا ہے اور اچھا اچھا مال ایک طرف نکال دیتا ہے۔ جب لینے والا آتا ہے تو اس کو (بچی کھچی) ردی کھجور دیتا ہے۔ اسی وجہ سے اللہ نے فرمایا :
ولا تیمموا الخبیث منہ تنفقون ولستم باخذیہ الا ان تغمضوا فیہ۔ اور بری اور ناپاک چیزیں دینے کا قصد نہ کرنا۔ کہ (اگر وہ چیزیں تم کو دی جائیں تو) بجز اس کے کہ (لینے کے وقت) آنکھیں بند کرلو ان کو کبھی نہ لو۔ پھر آپ (رض) نے فرمایا : تم خود اس کو جبر کیے بغیر نہ لوگ۔ اور خدا کے ہاں اس کو صدقہ کرو۔ کتنے افسوس کی بات ہے۔ رواہ ابن جریر۔