4269: ابن عمر (رض) سے مروی ہے کہ رسول اکرم (صلی اللہ علیہ وآلہ وسلم) نے فرمایا : ملائکہ نے اہل دنیا پر نظر ڈالی دیکھا کہ بنی آدم گناہ کر رہے ہیں تو انھوں نے پکارا : اے پروردگار@ یہ لوگ کس قدر جاہل ہیں ؟ ان لوگوں کو آپ کی عظمت کا علم کس قدر کم ہے۔ اللہ تعالیٰ نے فرمایا : اگر تم ان کی کھال میں ہوتے تو تم بھی میری نافرمانی کرتے۔ ملائکہ نے عرض کیا : یہ کیسے ہوسکتا ہے جبکہ ہم تو آپ کی (ہر وقت) تسبیح کرتے ہیں اور آپ کی پاکی بیان کرتے ہیں۔
چنانچہ ملائکہ نے اپنے درمیان میں سے دو فرشتوں کو چنا ہاروت اور ماروت کو۔ وہ دنیا پر اترے۔ اور دنیا میں بنی آدم کی شہوات ان میں بھی ڈال دی گئیں۔ ایک عورت ان کے ساتھ پیش آئی۔ اور وہ اپنے آپ کو بچا نہ سکے بلکہ معصیت میں مبتلا ہوگئے۔ اللہ عزوجل نے ان کو فرمایا : دنیا کا عذاب اختیار کرتے ہو یا آخرت کا عذاب ؟ ایک نے دوسرے سے پوچھا : تمہارا کیا خیال ہے ؟ دوسرے نے کہا : دنیا کا عذاب تو آخر ختم ہو ہی جائے گا۔ جبکہ آخرت کا عذاب دائمی ہے۔ چنانچہ ان دونوں نے دنیا کا عذاب اختیار کرلیا۔ پس یہی دونوں فرشتے ہیں جن کا اللہ نے اپنی کتاب میں ذکر کیا ہے :
وما انزل علی الملکین ببابل ہاروت و ماروت۔
اور جو شہر بابل میں دو فرشتوں ہاروت اور ماروت پر اتری۔