42757 :۔۔۔ بنی اسرائیل سے (وہ ) واقعات جو قرآن کے موافق ہیں انھیں بیان کرنے میں کوئی حرج نہیں، کیونکہ ان لوگوں میں بڑے عجیب واقعات ہوئے ہیں، ان کا ایک گروہ باہر نکل کر کسی قبرستان آیا، تو وہ کہنے لگے : اگر ہم نماز پڑھ کر اللہ تعالیٰ سے دعا کریں کہ وہ ہمارے لیے کوئی مردہ زندہ کرکے نکالے جو ہمیں موت کے بارے میں بتائے، چنانچہ انھوں نے ایسا ہی کیا، وہ لوگ اسی حالت میں تھے کہ اچانک ایک شخص نے قبر سے سر اٹھایا جس کی پیشانی پر سجدوں کا نشان تھا، وہ کہنے لگا : اے لوگو ! تم مجھ سے کیا چاہتے ہو ؟ اللہ کی قسم ! مجھے مرے ہوئے سو سال ہوچکے ہیں پھر بھی ابھی تک مجھ سے موت کی حرارت سرد نہیں پڑی گویا وہ ابھی تک ہے سو اللہ تعالیٰ سے دعا کرو کہ مجھے واپس اسی حالت میں پہنچا دے۔ عبد بن حمید، ابو یعلی، وابن منیع، سعید بن منصور عن جابر۔