٤٢٧٩٧۔۔۔ مسند ابی سعید) اگر تم اس چیز کا کثرت سے ذکر کرو جو لذتیں ختم کرنے والی ہے ، تو مجھے تمہاری یہ حالت نظرنہ آئے وہ تمہیں اس سے غافل کردے جو میں دیکھ رہاہوں سولذتیں ختم کرنے والی چیز کا کثرت سے ذکر کرو، کیونکہ قبر ہر روز پکارکرکہتی ہے میں بےکانگی اور تنہائی کا گھر ہوں میں مٹی اور کیڑوں کا گھر ہوں جب مومن بندہ اس میں دفن کیا جاتا ہے توہ اس سے کہتی ہے خوش آمدید، میری پشت پرچلنے والوں میں سے تو مجھے سب سے زیادہ محبوب تھا، آج جب کہ تو میرے پاس آیا تو اپنے ساتھ میرے سلوک کو دیکھ لے گا، چنانچہ تاحدنگاہ اس کے لیے قبر کشادہ ہوجاتی ہے اور جنت کی طرف اس کے لیے دروازہ کھول دیاجاتا ہے۔
اور جب فاجرو کافر بندہ دفن کیا جاتا ہے توقبر اس کو کہتی ہے تیرا آنانامبارک ہو، میری پشت پرچلنے والوں میں سے تو مجھے سب سے زیادہ ناپسندیدہ تھا آج جب کہ تو میرے پاس آیا ہے تو اپنے ساتھ میرے سلوک کو بھی دیکھ لے گا چنانچہ قبر اس پر تنگ ہوناشروع ہوجاتی ہے اور آپس میں اتناملتی ہے کہ اس کی پسلیاں آپس میں گھس جاتی ہیں اور اس پر ستر سانپ مقرر کردیے جاتے ہیں کہ ان میں سے اگر ایک زمین پر پھونک ماردے تو جب تک دنیا ہے اس پر گھاس نہ اگے اور وہ حساب وکتاب قائم ہونے تک اسے ڈستے رہیں گے اس واسطے قبریاتو جنت کا ایک باغیچہ ہے یا جہنم کا ایک گڑھا۔ غریب ابن عدی۔
کلام :۔ ضعیف الجامع ١٢٣١۔