٤٢٨٠٢۔۔۔ حضرت علی سے روایت ہے کہ انھوں نے خطبہ، اللہ تعالیٰ کی حمدوثنا بیان کی اور موت کا ذکر فرمانے کے بعد فرمایا اللہ کے بندو، موت سے چھٹکارا نہیں اگر تم اس کے لیے ٹھہرو گے تو وہ تمہیں پکڑ لے گی اور اگر اس سے بھاگوگے تو وہ تمہیں آملے گی، پس نجات حاصل کرو نجات حاصل کرو، سبقت کرو اور سبقت کرو، تمہارے پیچھے ایک جلد باز طلب گار قبر ہے سو اس کی ظلمت وحشت اور اس کے دبانے سے ڈرو !
آگاہ رہو قبریاتو جہنم کا گڑھا ہے یا جنت کا باغیچہ خبردار، قبر روزانہ تین باربولتی ہے میں تاریکی کا گھر ہوں اور وحشت اور کیڑوں کا گھر ہوں سنواس کے بعد اس سے بھی سخت چیز ہے ایسی آگ جس کی لپٹ تیز ہے اس کی گہرائی بہت دور تک ہے اس کا زیور لوہابیڑیوں کی مشکل میں ہے، اور اس کا داروغہ نگراں مالک (فرشتہ) ہے اسمیں اللہ کی رحمت نہیں اس فرشتہ میں یا اس آگ میں) ۔
متوجہ رہو ! اس کے بعد جنت ہے جس کی چوڑائی زمین و آسمان جتنی ہے جو متقین کے لیے تیار کی گئی اللہ تعالیٰ ہمیں اور تمہیں متقی و پرہیزگار بنائے اور ہمیں اور تمہیں دردناک عذاب سے بچائے۔ الصابونی فی المائتین ، عساکر۔