٤٢٨٠٧۔۔ (مسند ابوہریرہ ) اے ابوہریرہ ! کیا میں تمہیں برحق بات نہ بتاؤں جو ان کلمات کو موت کے وقت کہہ لے گا وہ جہنم سے نجات حاصل کرے گا جب تم اپنی بیماری میں پہلی مرتبہ بستر پر جاؤ تو تمہیں پتہ ہونا چاہیے کہ جب تم نے صبح کا وقت پالیاتوتم ہرگز شام نہیں پاسکو گے اور جب تم نے شام کا وقت پالیاتو تمہیں علم ہونا چاہیے کہ تم ہرگز صبح نہیں پاسکو گے اور یہ بھی جان لو کہ جب تم نے اپنی بیماری میں اپنے بستر پر پہلی مرتبہ کہہ لیا، تو اللہ تمہیں ان کلمات کے ذریعہ جہنم سے محفوظ کرلے گا، اور جنت میں داخل کرے گا تم کہا کرو، لاالہ الا اللہ، کے سوا کوئی دعا و عبادت کے لائق نہیں وہ زندہ کرتا ہے اور مارتا ہے وہ زندہ ہے جسے موت نہیں آئے گی اللہ کی پاکی ہے جو بندوں اور شہروں کا رب ہے اللہ تعالیٰ کے لیے پاکیزہ بابرکت اور بہت زیادہ تعریف ہر حال میں ہوا اللہ تعالیٰ سب بڑا بڑی شان والا ہے ہمارے رب کی بڑائی جلال اور قدرت ہر جگہ ہے۔
اے اللہ ! اگر آپ نے مجھے اس لیے بیمار کیا کہ میری اس بیماری میں میری روح قبض کریں تو میری روح ان لوگوں کی ارواح میں شامل کردیں جن کے لیے آپ کی طرف سے اچھائی پہلے سے ثابت ہوچکی ہے اور مجھے جہنم سے ایسے ہی بچائیے جیسا کہ آپ نے ان لوگوں کو بچایاجن کے لیے آپ کی طرف سے اچھائی پہلے سے ثابت ہوچکی ہے پس اگر تم اپنی اس بیماری میں مرگئے تو اللہ تعالیٰ کی رضامندی اور جنت ہے اگر تم سے کوئی گناہ بھی سرزد ہوگئے تو اللہ تعالیٰ تمہاری مغفرت فرمادے گا۔ ابن منیع وابن ابی الدنیا فی کتاب المرض والکفارات وابن السنی ، فی عمل یوم ولیلہ والرافعی عن ابوہریرہ ۔