٤٢٨١٠۔۔ حار ث بن خزرج انصاری اپنے والد سے نقل کرتے ہیں کہ رسول اللہ نے ملک الموت کو ایک انصاری شخص کے سرہانے دیکھا، آپ نے فرمایا : اے ملک الموت ! میرے صحابی کے ساتھ نرمی کا برتاؤکرو، کیونکہ وہ مومن ہے ملک الموت نے کہا، آپ مطمئن رہیں اور آنکھ ٹھنڈی رکھیں آپ کو پتہ ہونا چاہیے کہ میں ہر مومن کے ساتھ نرمی کا برتاؤن کرتا ہوں (اے محمد) آپ جان لیں میں انسان کی روح قبض کرتا ہوں پس جب اس کے گھروالوں میں سے کوئی چیخنے والاچیختا ہے تو میں دروازے پر کھڑا ہوتا ہوں اور میرے ساتھ اس کی روح ہوتی ہے میں کہتا ہوں۔ یہ چیخنے والاکون ہے ؟ اللہ کی قسم ! نہ تو ہم نے اس پر ظلم کیا اور نہ اس کی موت کی مقررہ مدت سے پہل کی اور نہ اس کی تقدیر سے جلدی کی اور نہ ہمارے ذمہ اس کی روح قبض کرنے میں کوئی گناہ ہے اگر تم اللہ کے کام پر راضی رہو تواجرپاؤ گے اگر غم گین اور ناراض ہو کے تو گناہ گار اور وبال والے بنو گے۔
لیکن ہمارا تو پھر بھی تمہارے پاس باربار لوٹ کر آنا ہے سو احتیاط کرو احتیاط ! اے محمد میں ہر بالوں سے اور ڈھیلے سے بنے گھر، خشکی اور تری ، میدانی اور پہاڑ کی گھر میں ہر رات دن (آتاجاتاہوں) کہ ان کے چھوٹے بڑے کو ان سے بھی زیادہ جانتاہوں اے محمد اللہ کی قسم ، میں اگر ایک مچھر کی روح بھی قبض کرنا چاہوں تو جب تک اللہ مجھے اس کی اجازت نہ دے اس کی روح قبض نہیں کرسکتا۔ جعفر فرماتے ہیں ، ملک الموت نماز کے اوقات میں انھیں بغور دیکھتا ہے پھر جب موت کے وقت اس شخص کو دیکھتا ہے جو نمازوں کی پابندی کرتا تھا اس کے قریب ہوجاتا ہے اور شیطان کو اس سے ہٹاتا ہے اور فرشتے اے لاالہ الا اللہ ، محمد رسول اللہ کی اس عظیم گھڑی میں تلقین کرتے ہیں۔ ابن ابی الدنیا فی کتاب الحذر ، طبرانی فی الکبیر۔