٤٢٨١٢۔۔ (مسندام سلیم) فرماتی ہیں رسول اللہ نے فرمایا جب عورت کی وفات ہوجائے اور لوگ اسے غسل دیناچا ہیں تو سب سے پہلے اس کو پیٹ آہستہ سے ملیں اور اگر وہ حاملہ نہ ہو اور اگر وہ حاملہ ہو توا سے حرکت نہ دیں اور جب توا سے غسل دینے لگے تو اس کے نچلے حصے سے آغاز کر اور اس کی شرمگاہ پر موٹا کپڑاڈال دے پھر روئی کا ٹکڑا لے اور اس سے اچھی طرح دھوؤ، پھر اپنا ہاتھ داخل کرکے اس کپڑے کے نیچے سے تین بارغسل دو اور اسے وضو دینے سے پہلے اچھی طرح پونچھ لو، پھرا سے ایسے پانی سے وضو دو جس میں بیری کے پتے ملے ہوں ایک عورت کھڑے ہو کرپانی ڈالے وہ بالکل قریب نہ ہویہاں تک کہ تم بیری ملے پانی سے اسے صاف کردو اور تم غسل دے رہی ہو۔
عورت کو وہ عورتیں غسل دیں جو اس کی زیادہ قریبی ہیں ورنہ کوئی پرہیزگار عورت ہو اور اگر وہ مردہ عورت کم عمریابوڑھی ہو تو (غسل دینے میں) اس کے ساتھ ایک دوسری پرہیزگا عورت شامل ہوجائے جب وہ اسے نچلے حصہ کو پانی اور بیری سے اچھی طرح غسل دے کر فارغ ہوجائے توا سے نماز کے وضو کی طرح وضو دے یہ تو اس کے وضو کی تفصیل تھی پھر اس کے بعد تین مرتبہ اسے پانی اور بیری سے غسل دو اور سب سے پہلے سر سے آغاز کرو، اسے (سرکو) بیری ملے پانی سے دھوؤ، اور اس کے سرپرکنگھی نہ کرواگرا سے تین بار غسل دینے کے بعد اگر کوئی چیز ظاہر ہو توا سے پانچ مرتبہ کردو اور پانچویں مرتبہ کے بعد اگر کوئی چیز پیدا ہوا تو اس کی تعداد سات کردو اور ہر بار بیری ملے پانی سے طاق تعداد ہو، پس اگر پانچویں یا تیسری مرتبہ کچھ ہو تو اس میں کچھ کافور اور تھوڑی بیری ملالو پھر اس پانی کو کسی نئے مٹکے میں دو اور اسے بٹھادو اور پانی اس پربہاؤ سر سے شروع کرو اور اس کے پاؤں تک (دھوتے دھوتے) پہنچ جاؤ۔
پھر جب اس سے فارغ ہوجاؤ تو اس پر صاف کپڑاڈال دو اور کپڑے تلے سے اپنا ہاتھ داخل کرو اور اس کپڑے کو اتاردو اس کے بعد جتنی روئی اس کے نچلے مقام میں بھرسکتی ہوبھردو اور اس کے کرسف (روئی) کو خوشبو لگالو پھر ایک لمبی دھلی ہوئی چادر لو اور اس سے اس کی سرین باندھا دو جیسے ازار بندب اندھا جاتا ہے پھر اس کی دنوں رانیں آپس میں ملاکرباندھ دو پھر اس چادر کا ایک کنارہ اس کے گھنٹوں پر ڈال دو یہ تو اس کے نچلے حصہ کی تفصیل تھی۔
اس کے بعد اسے خوشبولگا کر کفن دو اور اس کے بالوں کی تین مینڈھیاں کردو ایک جوڑا اور دولٹیں (یاد رکھنا) اسے مردوں کے مشابہ نہ بنانا اور اس کا کفن پانچ کپڑوں میں ہوناچا ہے ایک ازار ہو جس میں اس کی رانیں لپٹی جائیں چونے وغیرہ سے اس کے بال نہ اڑانا، اور اس کے جو بال از خود گرجائیں انھیں دھوکر اس کے سرکے بالوں میں لگا دینا، اور اس کے سرکے بالوں کو اچھی طرح خوشبولگانا ، گرم پانی سے نہ دھونا، اور اگر چاہو توا سے اور جس میں اسے کفنانے لگی ہوسات دفعہ دھونی دے دو ، ہرچیز کو طاق مرتبہ اور اگر مناسب معلوم ہو کہ اس کی لعش کو ھونی دوتو وہ بھی طاق مرتبہ یہ اس کے کفن اور سر کی تفصیل تھی۔ اور اگر وہ عورت پھوڑوں ، پھنسیوں جیسی کسی بیماری میں مبتلا ہو تو ایک کپڑا لے کر پانی میں بھگوؤ اور ہر زخم کو پونچھتی جاؤ اور اسے حرکت نہ دینا کیونکہ مجھے اندیشہ ہے اس سے کوئی ایسی چیز نہ نکل پڑے جسے روکانہ جاسکے۔ طبرانی فی الکبیر ، بیہقی۔