٤٢٨٦٩۔۔ ابوامامہ بن سہل بن حنیف سے روایت ہے کہ ایک نادار عورت بیمار ہوگئی نبی کو اس کی بیماری کی اطلاع دی گئی فرماتے ہیں کہ نبی غریب و مساکین لوگوں کی عیادت کیا کرتے تھے اور ان کے بارے میں پوچھتے تھے پھر رسول اللہ نے فرمایا جب یہ فوت ہوجائے تو مجھے اطلاع کردینا، اتفاق سے اس کا جنازہ رات کو نکالا گیا لوگوں نے نبی کو بیدار کرنا مناسب نہیں سمجھا، صبح ہوئی تو آپ کو اس کے متعلق بتایا گیا آپ نے فرمایا کیا میں نے تمہیں نہیں کہا تھا کہ مجھے اس کے بارے میں بتانا ؟ لوگوں نے عرض کیا یارسول اللہ ہم نے رات کے وقت آپ کا باہرنکلنا مناسب نہیں سمجھا، تو رسول اللہ اسی وقت باہر نکلے یہاں تک کہ لوگوں نے اس کی قبرپرصفیں بنائیں اور آپ نے چار تکبیریں کہیں۔ رواہ ابن عساکر۔