4289: (مسند عمر (رض)) کنتم خیر امۃ اخرجت للناس۔ الخ۔ آل عمران۔
ترجمہ : تم بہترین امت ہو جو لوگوں (کی بھلائی) کے لیے نکالے گئے ہو۔
حضرت عمر (رض) نے فرمایا : اگر اللہ پاک چاہتا تو یوں فرما دیتا انتم (جس کا مطلب ہوتا تم تمام مسلمان بہترین امت و جو لوگوں کے نفع کے لیے نکالے گئے ہو) لیکن اللہ نے فرمایا : کنتم اور یہ اصحاب محمد (صلی اللہ علیہ وآلہ وسلم) کے لیے خاص ہے۔ اور جو لوگ ان کے مثل عمل کریں وہ بھی امت کے بہترین لوگ ہیں۔ جو لوگوں کی نفع رسانی کے لیے نکالے گئے ہیں۔ ابن جریر، ابن ابی حاتم۔