٤٢٨٩٥۔۔ اسی طرح) عبداللہ بن شخیرہ، سے روایت ہے کہ فرماتے ہیں کہ حضرت علی کے پاس سے ایک جنازہ گزرا تو آپ کے ساتھ کھڑے ہونے لگے ، آپ نے ان سے فرمایا، اس بات پر تمہیں کس نے مجبور کیا ؟ وہ کہنے لگے کہ ابوموسی نے ہمیں بتایا کہ رسول اللہ کے پاس سے جب بھی کوئی جنازہ گزرتاتو آپ اس جنازے کے گزرجانے تک کھڑے رہتے آپ نے فرمایا ابوموسی ایسے ہی کچھ نہیں کہتے شاید رسول اللہ نے ایک ایک مرتبہ کیا، ہو رسول اللہ جو احکام آپ پر نازل نہیں ہوئے ان میں اہل کتاب کی مشابہت پسند کرتے تھے اور جب اس کے متعلق کوئی حکم نازل ہوتا تو ان کی مشابہت چھوڑ دیتے ۔ نسائی ابن ماجہ ورواہ ابوداؤد، طیالسی۔
ابوموسی اشعری نے ہم سے بیان کیا کہ رسول اللہ نے فرمایا : جب تمہارے پاس سے مسلمان، یہودی، عیسائی، کا جناہز گزرے تو اس کے لیے کھڑے ہوجایاکرو، کیونکہ ہم ان کے لیے نہیں بلکہ اس کے ساتھ جو فرشتے ہوتے ہیں ان کے لیے کھڑے ہوتے ہیں تو حضرت علی نے فرمایا رسول اللہ نے صرف ایک مرتبہ ایسا کیا، اور اہل کتاب تھے آپ اس چیز میں ان کی مشابہت اختیار کرتے اور جب آپ کو روک دیاجاتا تو آپ رک جاتے۔ اور مسدد نے ان الفاظ سے روایت کیا، حضرت علی نے فرمایا کہ رسول اللہ نے ایساصرف ایک یہودی کے لیے کیا پھر دوبارہ ایسا نہیں کیا، اور جب آپ کو (ان کی مشابہت سے ) روک دیاجاتاتو آپ رک جاتے۔ فی الاسناد لیث بن ابی سلیم۔