٤٢٩٠٩۔۔ سعید بن المسیب سے روایت ہے فرمایا کہ جب صدیق اکبر کا انتقال ہوا تو حضرت عائشہ نے ان پر رونے والی عورتیں کھڑی کردیں حضرت عمر کو پتہ چلا آپ نے انھیں حضرت ابوبکر پررونے سے منع فرمادیا، لیکن وہ باز نہ آئیں آپ نے ہشام بن ولید سے کہا، ابوقحافہ کی بیٹی (یعنی پوتی مراد حضرت عائشہ سے جاکرکہو، ) اور درے ان عورتوں کو مارنا نوحہ کرنے والیاں اس سے ڈرگئیں آپ نے فرمایا کیا تم ابوبکر روکر انھیں عذاب میں مبتلا کرنا چاہتی ہو ؟ رسول اللہ نے فرمایا میت کو اس کے گھروالوں کے رونے کی وجہ سے عذاب ہوتا ہے۔ رواہ ابن سعد۔