٤٢٩٦٣۔۔ معاذ سے روایت ہے بسم اللہ الرحمن محمد رسول اللہ کی طرف سے معاذ بن جبل کی جانب تم پر سلامتی ہو میں تمہارے سامنے اللہ تعالیٰ کی حمدبیان کرتا ہوں جس کے سوا کوئی عبادت کے لائق نہیں صورت احوال یہ ہے اللہ تعالیٰ تمہارا اجر بڑھائے اور تمہیں صبر کی توفیق بخشے ہمیں اور تمہیں شکر کرنے توفیق عطا کرے، کیونکہ ہمارے جان ومال اہل واولاد اللہ کا بہترین ہدایہ اور امانت کے طور پر مانگی ہوئی چیزیں ہیں انسان ایک مقرر وقت تک ان سے فائدہ اٹھاتا ہے اور معلوم مدت تک انھیں استعمال کرتا ہے توہم اللہ تعالیٰ سے اس کی عطا کردہ چیزوں پر شکرگزاری کا سوال کرتے ہیں اور آزمائش میں صبر مانگتے ہیں۔
تمہارابیٹا بھی اللہ کے بہترین ہدیوں اور امانت میں رکھی ہوئی مانگی چیزوں میں سے تھا، اللہ تعالیٰ نے رشک و خوشی میں تمہیں اس سے فائدہ پہنچایا اور اجرکثر تم سے لے لیا، اگر تم ثواب کی امید رکھو تو مغفرت رحمت اور ہدایت ہے سو صبر سے کام لو، اور ایسانہ ہو) تمہاراواویلا تمہارے اجر وثواب کو ضائع کردے اور تم پشیمان ہو اور یہ بھی یاد رکھو کہ بےصبری نہ تو کسی میت کو واپس لاسکتی ہے اور نہ کسی غم کو ختم کرسکتی ہے اور جس مصیبت نے آنا تھا وہ آچکی والسلام۔
طبرانی فی الکبیر ، حلیۃ الاولیائ، حاکم، وقال، حسن غریب، وتعقب عن محمود بن لبید عن معاذ واورہ ابن الجوزی فی الموضوعات وقال الذھبی وابن مجاشع وابن عمر ، حلیہ الاولیائ، عن عبدالرحمن بن غنم وقال، کل ھذہ الروایات ضعیفۃ لاتثبت فان وفاۃ ابن معاذ بعد وفاۃ رسول اللہ بسنتین وانما کتب الیہ بعض الصحابۃ فتوھم الراوی فنسبھا الی النبی۔