٤٢٩٨٤۔۔ ابی بن کعب (رض) سے روایت کرتے ہیں آپ نے فرمایا میں نے دنیا کی ایک مثال بیان کی ہے اور انسان کی موت کے وقت کی مثال اس شخص کی سی ہے جس کے تین دوست ہوں جس وقت اس کی موت قریب آگئی تو اس نے ان میں سے ایک سے کہا تو میرا دوست تھا میری عزت کرتا اور مجھے ترجیح دیتا تھا اور مجھ پر اللہ تعالیٰ کا جو حکم نازل ہوچکا تو دیکھ رہا ہے تو تیرے پاس کیا ہے ؟ تو اس کا وہ دوست کہے گیا : میرے پاس کیا ہے اور اللہ کا یہ حکم مجھ پر غالب ہے میں تمہاری مصیبت دور نہیں کرسکتا، اور نہ تمہارا غم گھٹا سکتا ہوں اور نہ تمہاری محنت کا بدلہ دے سکتا ہوں لیکن مجھ سے یہ توشہ لے جاؤ تمہیں فائدہ دے گا۔
پھر دوسرے کو بلا کرک ہے گا : تومیرادوست تھا اور میرے تینوں دوستوں میں سے سب سے زیادہ میرے نزدیک وقعت والا تھا مجھ پر اللہ تعالیٰ کا جو حکم نازل ہوا ہے تو دیکھ رہا ہے تو تیرے پاس کیا ہے ؟ وہ کہے گا میرے پاس کیا ہے ؟ اللہ کا یہ حکم مجھ پر غالب ہے میں نہ تمہاری مصیبت دور کرسکتا ہوں نہ غم گھٹاسکتا ہوں اور نہ تمہیں تمہاری محنت کا بدلہ دے سکتا ہوں لیکن میں تمہاری بیماری میں تمہاری تیماداری کروں گا جب تم فوت ہوجاؤ گے میں تمہیں غسل دوں گا نئے کپڑے کا کفن پہناؤں گا تمہارا بدن ڈھانپوں گا اور تمہاری شرم گاہ چھپاؤں گا۔ پھر وہ تیسرے کو بلاکرک ہے گا، مجھ پر اللہ کا جو حکم نازل ہوا وہ تم دیکھ رہے ہو اور تو تینوں میں سے میرے نزدیک سب سے کم درجہ تھا اور میں تمہیں ضائع کرتا رہا اور تجھ سے بےرغبت رہاتوتمہارے پاس کیا ہے وہ کہے گا میرے پاس یہ ہے کہ میں تمہارا دوست ہوں اور دنیا و آخرت میں تمہارا خلیفہ ہوں میں تمہارے ساتھ تمہاری قبر میں داخل ہوں گا جب تو اس میں داخل ہوگا اور اس سے اس وقت نکلوں گا جب تونکلے گا اور تجھ سے کبھی جدا نہیں ہوں گا تو نبی نے فرمایا تو یہ اس کا مال اہل و عیال اور عمل ہے رہا اول تو اس نے کہا مجھ سے توشہ لے لے تو وہ اس کا مال ہوا اور دوسرا اس کے اہل و عیال ہے اور تیسرا اس کا عمل ہے۔ الرامھرمزی فی الامثال وفیہ ابوبکر الھذلی رواہ۔