٤٣٠١١۔۔ بچہ جب تک بالغ نہ ہوجائے تودیکھاجاتا ہے کہ وہ جو نیکی بھی کرتا ہے اس کا ثواب اس کے والدیا اس والدین کے لکھاجاتا ہے اور اگر کوئی گناہ کا کام کرلے تو اس وبال نہ اس پر ہوتا ہے اور نہ اس کے والدین پر لیکن جب بالغ ہوچکتا ہے تو اس پر احکام جاری ہوجاتے ہیں تودوان فرشتوں کو حکم دیاجاتا ہے جو اس کے ساتھ ہوتے ہیں دونوں اس کی حفاظت کرتے ہیں اور اس کی راہنمائی کریں پھر جب اسلام میں چالیس برس کا ہوجاتا ہے تو اللہ اسے تین مصائب سے محفوظ فرماتا ہے کوڑھ، برص، اور پاگل پن، سے اور جب پچاس سال کا ہوتا ہے تو اس کا حساب ہلکا کردیتے ہیں اور جب ساٹھ برس کا ہوتا ہے تو اللہ اسے پسندیدہ کاموں میں رجوع وانابت کی توفیق دیتے ہیں اور جب ستر سال کا ہوجاتا ہے تو آسمان والے سے پسند کرنے لگتے ہیں۔ اور جب اسی سال کا ہوتا ہے تو اللہ تعالیٰ اس کی نیکیاں لکھتے اور اس کی برائیوں سے درگزر کرتے ہیں اور جب نوے سال کا ہوتا ہے تو اللہ تعالیٰ اس کے اگلے پچھلے گناہ معاف کردیتا ہے اور اس کے گھرانے کے بارے میں اس کی شفاعت قبول کرتا ہے اور اللہ تعالیٰ کے ہاں آسمان میں اس کا نام، اللہ کی زمین میں اللہ کا قیدی، ہوتا ہے اور جب انتہائی ضعیف العمر ہوجاتا ہے تاکہ علم کے بعد کسی چیز کونہ جان سکے تو اللہ تعالیٰ اس کے وہ نیکی لکھتے ہیں جو وہ اپنی صحت میں کیا کرتا تھا اور اگر وہ کوئی برائی کر بیٹھے تو وہ اس کے ذمہ نہیں لکھی جاتی ۔ رواہ الحکیم۔