4307: ۔۔ (مرسل الشعبی (رح)) شعبی (رح) فرماتے ہیں : جب رسول اللہ (صلی اللہ علیہ وآلہ وسلم) نے اہل نجران پر (مباہلہ میں) لعنت کرنے کا ارادہ کیا تو انھوں نے جزیہ دینا قبول کرلیا۔ پھر رسول اللہ (صلی اللہ علیہ وآلہ وسلم) نے فرمایا : میرے پاس خبر دینے والا اہل نجران کی ہلاکت کی خبر لے آیا تھا اگر ان پر (مباہلہ میں) لعنت پوری ہوجاتی تو وہ اور ان کے ساتھ والے حتی کہ درختوں پر چڑیا اور دیگر پرندے بھی ہلاک ہوجاتے۔
آپ (صلی اللہ علیہ وآلہ وسلم) اس خبر کے آنے کے اگلے دن حضرت حسن (رض) اور حضرت حسین (رض) کا ہاتھ پکڑ کر چل دیے اور حضرت فاطمہ (رض) بھی پیچھے پیچھے آرہی تھیں۔ السنن لسعید بن منصور، مصنف ابن ابی شیبہ، عبد بن حمید، ابن جریر۔