4320: ۔۔ حضرت علی (رض) فرماتے ہیں : حضرت عبدالرحمن بن عوف (رض) نے ہمارے لیے کھانا تیار کیا اور ہم کو دعوت پر بلایا۔ دعوت میں ہمیں شراب بھی پلائی (ابھی تک حرمت شراب کا حکم نازل نہ ہوا تھا) چنانچہ شراب میں ہم نے اپنا اثر دکھایا۔ اور نماز کا وقت بھی ہوگیا۔ امامت کے لیے حاضرین نے مجھے آگے کردیا۔ میں نے قراءت میں یوں پڑھا :
قل یا ایہا الکفرون لا اعبد ما تعبدون و نحن نعبد ما تعبدون۔
جبکہ اصل میں یہ نہیں ہے جس کا معنی ہے اور ہم عبادت کرتے ہیں ان بتوں کی جن کی تم عبادت کرتے ہو۔
چنانچہ پھر اللہ تعالیٰ نے یہ فرمان نازل کیا :
یا ایہا الذین آمنوا لاتقربوا الصلوہ وانتم سکاری حتی تعلموا ما تقولون۔ سورة النساء۔
اے ایمان والو ! نماز کے قریب نہ جاؤ اس حال میں کہ تم مدہوش ہو حتی کہ تم جان لو جو تم کہہ رہے ہو۔ (عبد بن حمید، ابو داود، ترمذی حسن صحیح غریب، نسائی، ابن جریر، ابن المنذر، ابن ابی حاتم، مستدرک الحاکم، السنن لسعید بن منصور)