43391 ۔۔۔ (سب) لوگ کھلے میدان میں جمع ہوں گے آنکھ انھیں دیکھے گی اور ایک بلانے والا انھیں سنائے گا، پھر ایک پکارنے والا پکارے گا مجمع والے جان لیں کہ کرم نوازی آج کس کے لیے ہے، تین بار کہے گا پھر کہے گا وہ لوگ کہاں ہیں جن کے پہلو بستروں سے جدا رہتے تھے ؟ پھر کہے گا وہ لوگ کہاں ہیں جنہیں تجارت اور خریدو فروخت اللہ تعالیٰ کی یاد سے غافل نہیں کرتی تھی ؟ پھر ایک اعلان کرنے والا اعلان کرے گا مجمع والے جان لیں آج کس کے لیے کرم نوازی ہے ! پھر وہ کہے گا زیادہ تعریف کرنے والے کہاں ہیں ؟ وہ لوگ کہاں ہیں جو (اللہ تعالیٰ ) اپنے رب کی تعریف کیا کرتے تھے۔ (حاکم و ابن مردویہ بیہقی فی شعب الایمان ، حلیۃ الاولیاء، عن عقبۃ بن عامر)