43502 ۔۔۔ آگاہ رہو ! دنیا میں بہت سے کھانے والے ناز و نعمت میں رہنے والے قیامت کے روز بھوکے اور ننگے ہوں گے، آگاہ رہو ! دنیا میں بہت سے بھوکے ننگے قیامت کے روز کھانے والے اور نرم لباس پہننے والے ہوں گے، خبردار ! بہت سے اپنی عزت کرنے والے اس کی توہین کرنے والے ہوں گے، خبردار ! بہت سے اپنے نفس کی توہین کرنے والے اس کی عزت کرنے والے ہوں گے، آگاہ رہو ! بہت سے لوگ ان چیزوں میں جو اللہ تعالیٰ نے اپنے رسول کو دی ہیں ان میں گھسے رہتے اور عیش عشرت کرتے رہتے ہیں جب کہ اللہ تعالیٰ کے ہاں اس کا کچھ بھی نہیں، خبردار ! جنت کا عمل سخت اونچی جگہ ہے اور جہنم کا (عمل) نرم اور پسندیدہ ہے، خبردار ! ایک گھڑی کی خواہش لمبے عرصے کا غم ددے دیتی ہے۔ (ابن سعد، بیہقی عن ابی البحیر)
کلام ضعیف الجامع 2181 ۔۔۔