4352: ۔۔ حضرت علی (رض) فرماتے ہیں : جب یہ آیت نازل ہوئی :
وللہ علی الناس حج البیت من استطاع الیہ سبیلا۔ آل عمران : 97 ۔
اور لوگوں پر خدا کا حق (فرض ) ہے کہ جو اس گھر تک جانے کی قدرت رکھے وہ اس کا حج کرے۔
تو لوگوں نے پوچھا : یا رسول اللہ ! کیا ہر سال (حج فرض ) ہے ؟ آپ (صلی اللہ علیہ وآلہ وسلم) جوابا خاموش رہے۔ لوگوں نے پھر پوچھا : کیا ہر سال (حج فرض) ہے ؟ آپ (صلی اللہ علیہ وآلہ وسلم) پھر بھی خاموش رہے۔ لوگوں نے تیسری بار پوچھا : کیا ہر سال (حج فرض) ہے۔
تب رسول اللہ (صلی اللہ علیہ وآلہ وسلم) نے فرمایا نہیں، اگر میں ہاں کردیتا تو (ر سال واجب) وجاتا ۔ پھر اس پر سورة مائدہ کی یہ آیت نازل ہوئی :
یا ایہا الذین آمنوا لا تسالوا عن اشیاء ان تبدلکم تسوکم الخ۔ المائدہ : 101 ۔
مومنو ! ایسی چیزوں کے بارے میں مت سوال کرو کہ اگر (ان کی حقیقتیں) تم پر ظاہر کردی جائیں تو تمہیں بری لگیں۔ اور اگر قرآن کے نازل ہونے کے ایام میں ایسی باتیں پوچھوگے تو تم پر ظاہر بھی کردی جائیں گی۔ (اب تو) خدا نے ایسی باتوں (کے پوچھنے) سے درگذر فرمایا ہے اور خدا بخشنے والا بردبار ہے۔ (مسند احمد، ترمذی، ابن ماجہ، مسند ابی یعلی، عقیلی، ابن المنذر، ابن ابی حاتم، ابن مردویہ، الخطیب فی التاریخ، مستدرک الحاکم، الدار قطنی)
کلام : امام ترمذی اس روایت کو اس سند کے ساتھ ضعیف قرار دیتے ہیں۔ امام عقیلی نے بھی اس کو الضعفاء میں ذکر فرمایا ہے۔ حافظ ابن حجر (رح) فرماتے ہیں کہ امام حاکم نے اپنی مستدرک میں اس روایت پر (سنداً ) کلام نہیں کیا حالانکہ اس کی سند میں ضعف اور انقطاع ہے۔ انتہی (لیکن یہ روایت اور طرق سے بھی مروی ہے روایت کا مضمون صحیح اور مستند ہے) ۔ کنز العمال ج 2 ص 400 ۔