43508 ۔۔۔ جنت میں کچھ کمرے ایسے ہیں کہ جب ان کے مکین ان میں ہوں گے تو انھیں باہر کی چیزیں دکھائی دیں گی اور جب باہر نکلیں گے تو اندر کی چیزیں نظر آئیں گی، کسی نے عرض کیا یار سول اللہ ! یہ کمرے کس کے لیے ہوں گے ؟ فرمایا جس نے شیریں گفتگو کی، مسلسل روزے رکھے اور کھانا کھلایا، سلام پھیلایا، اور رات کے وقت جب لوگ سو رہے تھے نماز پڑھی۔
عرض کیا گیا یا رسول اللہ ! شیریں کلام کیا ہے ؟ فرمایا سبحان اللہ والحمد للہ ولا الہ الا اللہ واللہ اکبر وللہ الحمد۔ یہ کلمات قیامت کے روز اس حال میں آئیں گے کہ ان کے آگے پیچھے دائیں فرشتے ہوں گے، عرض کیا گیا لگاتار روزوں سے کیا مراد ہے ؟ فرمایا رمضان پائے تو اس کے روزے رکھے پھر رمضان پائے تو اس کے روزے رکھے۔ کسی نے عرض کیا کھانا کھلانا کیا ہے ؟ فرمایا وج چیز اہل و عیال کی ضرورت ہو انھیں کھلاؤ، کسی نے عرض کیا سلام پھیلانا کیا ہے ؟ فرمایا تمہارا اپنے بھائی سے مصافحہ کرنا اور سلام کہنا۔ کسی نے عرض کیا رات کے وقت نماز پڑھنا جب کہ لوگ سویرے ہوں کیا ہے ؟ آپ نے فرمایا عشاء کی نماز پڑھنا اور یہود و نصاری سو رہے ہوں۔ (الخطیب عن ابن عباس)