43549 ۔۔۔ موسیٰ (علیہ السلام) نے اللہ تعالیٰ سے چھ باتوں کے بارے میں پوچھا جن کے متعلق ان کا گمان تھا کہ وہ ان کے ساتھ خاص ہیں اور ساتویں چیز موسیٰ (علیہ السلام) کو پسند نہ تھی، عرض کیا اے میرے رب ! آپ کا کون سا بندہ زیادہ پرہیزگار ہے ؟ اللہ تعالیٰ نے فرمایا جو اللہ تعالیٰ کا ذکر کرتا رہے اور بھولے نہیں، عرض کیا آپ کا کون سا بندہ سب سے زیادہ ہدایت یافتہ ہے ؟ فرمایا جو ہدایت کی پیروی کرے، عرض کیا آپ کا کون سا بندہ زیادہ صحیح فیصلہ کرنے والا ہے ؟ جو بندوں کے لیے وہی فیصلہ کرے جو وہ اپنے لیے کرتا ہے، عرض کیا آپ کا کون سا بندہ سب سے زیادہ علم والا ہے ؟ فرمایا وہ عالم جو علم سے کبھی سیر نہیں ہوتا، وہ لوگوں کے لیے کو اپنے علم کے ساتھ جمع کرتا رہتا ہے ، عرض کیا آپ کا کون سا بندہ سب سے زیادہ عزت مند ہے ؟ فرمایا وہ جسے جب قدرت ہو تو معاف کردے، عرض کیا آپ کا کون سا بندہ سب سے زیادہ مالدار ہے ؟ فرمایا جسے جو ملے اس پر راضی رہے، عرض کیا آپ کا کون سا بندہ زیادہ محتاج ہے ؟ فرمایا مسافر، پھر رسول اللہ (صلی اللہ علیہ وآلہ وسلم) نے حدیث میں فرمایا مال کی وجہ سے مال داری نہیں، مالداری تو دل کی مالداری ہے، اللہ تعالیٰ جب کسی بندے کو بھلائی دینا چاہتے ہیں تو اس کے دل میں مالداری پیدا فرما دیتے ہیں اس کے دل کو متقی بنا دیتے ہیں اور جب کسی بندے کو برائی میں مبتلا کرنا چاہتے ہیں تو محتاجی اس کا مقصد بنا دیتے ہیں۔ (الرویانی و ابوبکر بن المقری فی فوائدہ وابن لال وابن عساکر عن ابوہریرہ وروی البیہقی بعضہ)