43552 ۔۔۔ جو مسلمان ان خصلتوں میں کوئی ایک اللہ تعالیٰ کے ہاں کی نعمتیں حاصل کرنے کے لیے اختیار کرتا ہے تو قیامت کے روز وہ اس کا ہاتھ پکڑ کر اسے جنت میں داخل کرکے چھوڑے گی (ابن حبان والرویانی، طبرانی، بیہقی، سعید بن منصور عن ابی ذر فرماتے ہیں میں نے عرض کیا اللہ کے رسول ! بندے کو جہنم سے کیا چیز نجات دلائے گی ؟ آپ نے فرمایا اللہ تعالیٰ پر ایمان لانا، میں نے عرض کیا ایمان کے ساتھ عمل بھی ہونا چاہیے ؟ فرمایا تھوڑا بہت خرچ کرے جو اسے اللہ تعالیٰ دے، میں نے عرض کیا اگر وہ فقیر ہو اور اس کے پاس تھوڑا بہت دینے کے لیے نہ ہو تو ؟ فرمایا نیکی کا حکم کرے اور برائی سے روکے، میں نے عرض کیا اگر وہ اچھے طریقہ سے نہ بول سکتا ہو کہ نیکی کا حکم دے یا برائی سے روکے ؟ فرمایا کسی جاہل کے ساتھ نیکی کردے، میں نے عرض کیا اگر وہ خود جاہل کسی کے ساتھ احسان نہیں کرسکتا فرمایا کسی مغلوب کی مدد کردے، میں نے عرض کیا اگر وہ کمزور ہو کسی مغلوب کی مدد نہ کرسکتا ہو ؟ فرمایا کیا تم اپنے ساتھی میں کوئی نیکی نہیں چھوڑنا چاہتے، لوگوں سے اذیت و تکلیف کو دور کردے، میں نے عرض کیا یا رسول اللہ ! جب وہ یہ کام کرلے گا تو جنت میں جائے گا ؟ آپ نے فرمایا اس ذات کی قسم جس کے قبضہ قدرت میں میری جان ہے۔ پھر یہ حدیث ذکر کی)