43579 ۔۔۔ (معاذ ! ) تم نے مجھ سے بڑی بات پوچھی ہے اور وہ اس شخص کے لیے معمولی ہے جس کے لیے اللہ تعالیٰ آسان کردے، اللہ تعالیٰ کی عبادت کرتے رہو اس کے ساتھ کسی کو شریک نہ کرو، فرض نماز قائم کرو، زکوۃ مفروضہ ادا کرو، رمضان کے روزے رکھو بیت اللہ کا حج کرو، کیا میں تمہیں نیکی کے دروازے نہ بتاؤں ! روزہ ڈھال ہے اور صدقہ برائی کو یوں مٹاتا ہے جیسے آگ کو پانی بجھاتا ہے، رات میں آدمی کا نماز پڑھنا کیا میں تمہٰں دین کی جڑ، اس کا ستون، اور اس کی اونچی چوٹی نہ بتاؤں دین کی جڑ اسلام ہے اور جو مسلمان ہوگیا اس کو سلامتی مل گئی اور اس کا ستون نماز ہے اور اس کی بلندی کی چوٹی جہاد ہے کیا میں تمہیں اس سب کی مضبوطی سے آگاہ نہ کروں۔ اسے (آپ نے اپنی زبان کی طرف اشارہ کیا) قابو میں رکھو ! معاذ تمہیں تمہاری والدہ گم کرے ! لوگوں کو جہنم میں اوندھے منہ صرف ان کی زبانوں کی کٹائی نے گرایا ہے (مسند احمد، ترمذی، ابن ماجہ، حاکم ، بیہقی عن معاذ، زاد طبرانی بیہقی کہ جب تک خاموش رہوگے تو سلامت رہوگے اور جب بولوگے تو تمہارے لیے یا تمہارے خلاف لکھا جائے گا۔