43600 ۔۔ اللہ تعالیٰ نے میری طرف وحی بھیجی اے انبیاء کے بھائی ! اے ڈرانے والوں کے برادر ! اپنی قوم کو ڈراؤ کہ میرے جس گھر میں بھی داخل ہوں تو (شرک سے) سلامت دل، سچی زبانیں، پاک ہاتھ، پاکیزہ شرم گاہیں لے کر داخل ہوں، اور میرے کسی گھر میں اس حال میں داخل نہ ہوں کہ کسی کا کسی پر ظلم ہو کیونکہ جب تک وہ میرے سامنے نماز کے لیے کھڑا رہے گا میں اس پر لعنت کرتا رہوں گا یہاں تک کہ وہ مظلوم سے اپنا ظالم ہٹا لے، جب وہ ایسا کرلے گا تو میں اس کا کان بن جاؤں گا جس سے وہ سنے، میں اس کی آنکھ بن جاؤں گا جس سے دیکھے، وہ میرے دوستوں اور برگزیدہ لوگوں میں شامل ہوجائے گا، اور انبیاء صدیقین اور شہداء کے جنت میں میرا پڑوسی ہوگا۔
حلیۃ الاولیاء، حاکم فی تاریکہ، بیہقی، ابن عساکر الدیلمی عن حذیفۃ، وفیہ اسحاق بن ابی یحییٰ الکعبی ھالک یاتی بالمناکیر عن الاثبات۔